Vilt þú verða Frímúrari?

Einfaldast er að byrja að horfa í kringum þitt nærumhverfi hvort þú þekkir einhvern sem er frímúrari, leita til hans og sýna áhuga. Lang flestir munu taka þér vel og aðstoða þig eða aðstoða þig að finna frímúrara sem getur gert það.

Maður sem ekki þekkir til neins frímúrara, getur snúið sér til skrif­stofu Reglunnar, að Bríet­artúni 5, Reykjavík, eða frímúr­ara­stúku í heima­byggð hans, sem munu þá veita honum aðstoð við að finna bræður sem þekkja einhver deili á viðkomandi og væru hugsanlega tilbúnir að mæla með honum. Einnig má hafa samband í síma 510 7800 eða netfangið [email protected].

Þegar umsókn innsækjanda hefur verið lögð fram hefst biðtími. Er sá tími notaður til að athuga hvort það geti orðið innsækj­andanum til góðs að ganga í Regluna, og einnig að fá fullvissu um, að Reglan vilji fá hann sem lífstíð­ar­félaga. Að biðtíma loknum fær innsækj­andinn boð frá meðmæl­endum sínum um hvaða dag og hvaða tíma hann er kallaður til upptöku. Innsækjanda skal vera ljóst að umsókn hans getur verið hafnað.

Þessi biðtími getur verið misjafn eftir aðstæðum, frá einhverjum vikum upp í mánuði.

Innsækjandi í Frímúrararegluna á Íslandi þarf að hafa náð 24 ára aldri, játa kristna trú, vera sjálfráður eigna sinna og hafa óflekkað mannorð.

Frá sjónarhóli Frímúrarareglunnar hentar stúkustarf í Reglunni hugsandi mönnum sem vilja þroska sig og bæta.

Mikilvægt er að maki innsækjanda hafi jákvæða afstöðu til þess mannræktarstarfs sem fram fer innan vébanda Frímúrarareglunnar og sé hlynntur því að eiginmaður / sambúðarmaki taki reglulega þátt í starfi stúku sinnar.

Já. Ef innsækj­andanum skyldi honum snúast hugur, er honum frjálst að láta aftur­kalla umsókn sína allt fram að upptöku sinni. En þegar upptakan hefur farið fram, er yfirleitt ekki hægt að ganga úr Reglunni, nema í sérstökum tilvikum.

Að sjálf­sögðu kostar það nokkurt fé að vera bróðir í Frímúr­ar­a­reglunni á Íslandi. En taki menn reglulega þátt í störfum stúku sinnar, er það ekki dýrara en í öðrum áhuga­manna­fé­lögum.

Inntöku­gjaldið er um 100.000 krónur á núverandi starfsári, en húsgjöld stúkna úti á landi kunna að vera mismunandi.
Auk þess bætist við kostnaður við kaup á kjólfötum.

Máltíð er eftir hvern fund og er verði máltíð­ar­innar stillt í hóf.

Til að öðlast félagsaðild þarf tvo meðmælendur. Meðmælendur aðstoða innsækjandann og svara þeim spurningunm sem hann og fjölskylda hans kunna að hafa, áður en sótt er um inngöngu. Þeir sækja um aðild fyrir hönd innsækjandans og eru honum innan handar fyrstu árin í Reglunni. Mikilvægasta hlutverk meðmælenda er að tryggja að nýr bróðir samlagist bræðralaginu og stuðla að vellíðan hans innan Reglunnar. Hafi innsækjandinn eða fjölskylda hans einhverjar spurningar aðstoða meðmælendurnir við að leita svara við þeim.

Þátttaka í reglustarfinu mótast af forgangi og mikilvægi. Fjölskyldan hefur ávallt forgang. Hún á öðru fremur að njóta ávaxtanna af starfi bræðra í Reglunni. Þar koma áhrifin af stúkustarfinu fyrst í ljós. Bræðurnir leitast við að yfirfæra þá þekkingu og reynslu sem þeir öðlast í innra starfi Reglunnar yfir á daglegt líf sitt.

Reglan leggur áherslu á að efla tengsl fjölskyldna bræðra við starfsemi sína með því að skipuleggja ýmsa viðburði með fjölskylduþáttöku í huga. Þar ber systrakvöldin hæst en auk þeirra má nefna árleg jólaböll, tónleika, haust- og vorfagnaði, ferðalög og fleiri viðburði. Þá starfrækja reglubræður ýmsa klúbba, t.d. golf- og vélhjólaklúbba.